Қазақстан азаматы Дубайда өмір бойына сотталды
Дубайда 22 жастағы Қазақстан азаматы Ернұр Алмахан өмір бойына бас бостандығынан айырылды.
Сондай-ақ сот оған 2,5 миллион дирхамнан астам айыппұл салды. Бұл шамамен 300 миллион теңгеден асады. Бұл туралы қазақстандық БАҚ сотталған азаматтың отбасы мен Сыртқы істер министрлігінің ресми мәліметіне сілтеме жасап хабарлады.
Туыстарының айтуынша, жас жігіт 2024 жылдың қыркүйегінде Біріккен Араб Әмірліктеріне жұмыс істеу үшін барып, жүргізуші болып еңбек еткен. Анасы ұлының кінәлі екеніне сенбейтінін айтып, оның жала құрбаны болуы мүмкін екенін алға тартты. Сондай-ақ отбасы ұзақ уақыт бойы тағылған айыптардың мән-жайы туралы толық ақпарат ала алмағанын мәлімдеді.
Сот үкімі туралы жақындары тек 2026 жылдың сәуір айында ғана білген. Әңгіме 18 наурызда шығарылған бірінші инстанция сотының шешімі туралы болып отыр. Қазақстанның Сыртқы істер министрлігі бұл ақпаратты растады және үкімнің әлі заңды күшіне енбегенін атап өтті.
БАҚ мәліметінше, сот шешіміне апелляция берілген. Оны қарау 2026 жылғы 27 сәуірге жоспарланған.
Кейбір басылымдар бұл істі 2025 жылғы Жаңа жыл түні Дубайдағы виллаға жасалған шабуылмен байланыстырады. Ол жерде қаржы пирамидасы Finiko-ның негізін қалаушылардың бірі Эдвард Сабиров тұрғаны айтылған.
