Қазақстанда ЛГБТ сайты бұғатталды

«Selftanu.kz - бұл LGBTQ+ жасөспірімдеріне және өзін түсінгісі келетіндерге арналған жоба», - бұл сипаттаманы ЛГБТ сайтының басты бетінен блокталғанға дейін оқу мүмкін еді.

Бұл сайт пен оның мазмұны қазақстандықтар арасында түрлі пікір туғызды. Көпшілік өз наразылықтарын білдірді. LGBTQ+ жасөспірімдеріне арналған алғашқы веб-сайт ашылған күні қазақстандықтар дәстүрлі емес сексуалдық бағытты насихаттауға қарсы петиция бастады.

"Интернет-ресурстағы мониторинг барысында "selftanu.kz" Балалардың денсаулығы мен дамуына зиян келтіретін ақпаратты орналастыруға байланысты заңнаманың бұзылуы анықталды. Балалардың құқықтарын қорғау жөніндегі уәкілетті орган балалардың психо-жас ерекшеліктерін, олардың ақпараттық ортаның, тарихи және өзге де дәстүрлердің, қазақстандық қоғам мен мемлекеттің мәдени құндылықтарының теріс ықпалынан осалдығын ескере отырып, сондай-ақ балаларды тиісінше тәрбиелеу және толыққанды дамыту мақсатында ЛГБТ қозғалысының идеяларын қазақстандық халық арасында тарататын интернет-ресурстарға қолжетімділікті шектеуді қажет деп тапты",- деп жазды ҚР Мәдениет және ақпарат министрлігінің баспасөз қызметі.

Жалғасында "Балаларды денсаулығы мен дамуына зиян келтіретін ақпараттан қорғау туралы" заңда балаларға тыйым салынған ақпаратқа арнайы жыныстық-эротикалық сипаттағы, сондай-ақ балалар арасында таратуға Қазақстан Республикасының өзге де заңдарында тыйым салынған ақпарат кіретіні анықталды.

"Сондай-ақ" Бала құқықтары туралы " заңда порнографияны тарататын, балаларға зиянды әсер ететін және құқық бұзушылыққа ықпал ететін бұқаралық ақпарат құралдарын пайдалану да заңмен қудаланады және оларды таратуға тыйым салынады делінген. Осы себептер бойынша министрлік интернет-ресурсқа қол жеткізуді шектеу жөнінде шаралар қабылдады",- деп мәлімдеді ҚР Мәдениет және ақпарат министрлігінің баспасөз қызметі.

Бұл ретте министрлік өкілі аталған сайт заңнаманы бұзушылықтарды жойған жағдайда оған қолжетімділік қалпына келтірілетінін атап өтті.