Қонаевтағы әскери бөлімде төртінші қабаттан құлаған сарбаз жансақтау бөлімінде жатыр
Қонаев қаласындағы әскери бөлімде мерзімді әскери қызметін өтеп жүрген 2006 жылы туған сарбаз төртінші қабаттан құлап, ауыр жарақат алды. Қазір ол жансақтау бөлімінде ем қабылдап жатыр.
Туыстарының айтуынша, жас сарбаз қызмет барысында отбасымен үнемі байланыста болған және әскери қызмет жағдайына немесе денсаулығына қатысты ешқашан шағымданбаған. Оқиғаға дейін көп ұзамай ата-анасы оған барып қайтқан, жақындарының сөзінше, сол кезде оның жағдайы жақсы болған.
Алдын ала мәлімет бойынша, сарбаздың бірнеше қабырғасы сынып, өкпесі, бүйрегі және қуыққа зақым келген.Марқұмның емес, зардап шеккен сарбаздың туыстары оның өздігінен терезеден құлағаны туралы болжамға сенбейтіндерін айтады. Олар әскери бөлімдегі бейнебақылау камераларының жазбаларын жариялап, оқиғаның барлық мән-жайына объективті тергеу жүргізуді талап етті.
Қазіргі уақытта оқиғаның себептері мен мән-жайы анықталып жатыр.
