«Құлағын сындырып, басын жарған» : Алматыда қызды ұрлап, жезөкшелікке мәжбүрлеген

Жеке үй иелері қыздарды жыныстық құлдық үшін ұрлап, мәжбүрлеп білгендерін істеп келген. Құлдықта болған қыз өзінің оқиғасын баяндағанда жезөкшелікпен айналысуға мәжбүрлеп, аяусыз соққыға жыққанын айтты. Тек бір кереметтің арқасында ол қашып құтылған. Жәбірленуші полицияға хабарласқан. Жеке үйде басқа қыздарды да күштеп ұстағаны белгілі болды.

Жәбірленуші қыздың құлағы сынып, басы жарылған әрі бүкіл денесі көгерген. 

"...Алдымен шөмішпен ұрды, кейін ұзартқыш сыммен арқамнан ұра бастады. Олар мені тепкілеп, жұдырықтады. Камила мен Аида мені ұрды",-деп сұмдық сәттерді есіне алды.

Оқиға бір апта бұрын, қыз жұмысынан шығып үйіне қайтар уақытта болған. Кенет көшеде көлік тоқтап, бір топ адам шығып, күштеп көлікке қамаған. Сосын белгісіз үйге апарып қамаған. 

"Олар: "Сен жезөкше болып жұмыс істейсің. Егер келіспесең, құжаттарды ата-анаңа көрсетеміз деп қорқытты",-деп өзіне қалай қысым жасағанын айтты.

Қыз жұмыстан оралмаған соң туыстары іздеген. Олар қызға қоңырау шалғанмен тұтқаны ешкім көтермеген. Бірнеше күннен кейін ол қайда екенін айтып үлгерген. Туыстары көмекке ұмтылғанымен, тұтқынды бірден құтқару мүмкін болмаған.

"Менің естуімше, қыздарды сонда құлдықта ұстайды екен. Олардың артқы есігі бар екен. Мен арнайы артқы есіктің артында тұрдым, мен олардың бір адамды қалай ұрғанын және тұтқынның қалай айқайлағанын естідім",- дейді жәбірленуші қыз.

Полиция оқиғаның мән-жайын анықтау мақсатында қыздан сұрау алған. Оқиға орын алған үйді анықтағаннан соң, тәртіп сақшылары сол үйге күшпен басып кірген. Үйден тағы құлдықтағы бірнеше қыз табылған.