Магистратура грантының нәтижесі қашан жарияланады?
Магистратураға мемлекеттік грант тағайындау конкурсының нәтижесі 24 тамыз күні сағат 15:00-де жарияланады. Бұл туралы Ғылым және жоғары білім министрі Саясат Нұрбек мәлімдеді.
Биыл магистратура грантына қатысу үшін 23 мыңға жуық өтініш түскен. Бұл өткен жылмен салыстырғанда шамамен 3 мыңға көп. Үміткерлер арасында педагогикалық ғылымдар, ақпараттық-коммуникациялық технологиялар, сондай-ақ инженерлік, өңдеу және құрылыс бағыттарына сұраныс жоғары болған.
Грант иегерлерінің тізімі министрліктің ресми ақпараттық ресурстарында және министр Саясат Нұрбектің ресми парақшаларында жарияланады.
Ал магистратураға қабылдау 28 тамызға дейін жалғасады.
Сайт Әкімшілігі
Сайт Әкімшілігі
