Маңғыстауда қаза тапқан әскерилердің саны 12-ге жетті

Қорғаныс министрлігінің мәліметінш, оқу-жауынгерлік міндеттерді орындау барысында ауа райының күрт нашарлап, желдің күшеюінен 19 әскери қызметшіні теңіз алып кеткен.

Қазір оқиға орнында құтқарушылар жұмыс істеп жатыр. Іздеу-құтқару жұмыстарына Әскери-теңіз күштері мен Төтенше жағдайлар министрлігінің бөлімшелері, авиация және басқа да тиісті қызметтер жұмылдырылған.

Оқиғаның мән-жайын анықтау және құтқару жұмыстарын үйлестіру үшін оқиға орнына Қорғаныс министрі, авиация генерал-лейтенанты Дәурен Қосанов бастаған министрлік комиссиясы аттанды.