Жобалар
Редакциямен байланыс
Жарнама
13:16, 02 Ақпан 2024

Марат Жыланбаев аштығын 1 наурызға дейін жалғастыратынын айтты

Жыланбаев
Фото:

1 ақпанда Қоғамдық бақылау комиссиясының өкілдері Олжас Сыздықов пен Людмила Шаврова Степногорск түрмесінде отырған оппозиция белсендісі Марат Жыланбаевқа барды. Жыланбаев 26 қаңтарда Астананың тергеу изоляторынан Степногорск түрмесіне ауыстырылды. Ол 2022 жылдың қарашасында экстремистік ұйымның жұмысына араласты және экстремизмді қаржыландырды деген айыппен 7 жылға бас бостандығынан айырылған.

Олжас Сыздықов Жыланбаевтың сот үкімімен келіспейтінін білдіру үшін 1 наурызға дейін аштық жариялауды жалғастыру ниетін мәлімдегенін хабарлады. 

Марат Жыланбаев басқаратын тіркелмеген «Алға, Қазақстан» партиясының мүшелері оны түрмеде қарсы алмақ болған, бірақ мекеме басшысы бұл өтінішті қабылдамады.

Халықаралық және қазақстандық құқық қорғау ұйымдары Марат Жыланбаевты саяси тұтқын деп санайды. Еуропарламент 17 қаңтардағы қарарында Қазақстан билігін саяси тұтқындарды, оның ішінде Жыланбаевты босатуға шақырып, жабық сот процесін сынады. Адам құқықтары жөніндегі халықаралық серіктестік пен Қазақстандағы адам құқықтары бюросы Жыланбаев ісінде экстремизм белгілерінің жоқтығын атап өтіп, құқық қорғаушылардың сот процесін бақылауына шектеу қоюды айыптады.