Жазылу
Мирзиеев Қазақстанда қаза тапқан өзбек азаматтарына үкіметтік комиссия құрды
Қазақстанда апаттан қаза тапқан Өзбекстанның сегіз азаматының денесі Өзбекстан Қорғаныс министрлігінің әскери ұшағымен отанына жеткізіледі.
Өзбекстан президенті Шавкат Мирзиеевтің тапсырмасы бойынша Қазақстанда қаза тапқан Өзбекстанның сегіз азаматының мәйітін жеткізіп, сондай-ақ оларды жерлеуді ұйымдастырумен айналысатын үкіметтік комиссия құрылды. Бұл туралы Өзбекстанның Төтенше жағдайлар министрлігінің баспасөз қызметі хабарлады
Марқұмдардың денесін тасымалдау үшін Өзбекстан Қорғаныс министрлігінің әскери ұшағы бөлінген.
«Өзбекстанның Төтенше жағдайлар министрлігі қазақстандық әріптестерімен тығыз байланыста, сондай-ақ болған оқиғаның себептерін зерттеуде бірлесіп жұмыс істеуде», - делінген хабарламада.
Өзбекстан азаматтары қаза тапқан жол-көлік оқиғасы 3 сәуірде Самара-Шымкент тас жолының Ақтөбе облысындағы Маржанбұлақ ауылының маңында болған. Алдын ала мәлімет бойынша, Өзбекстан азаматтары келе жатқан Toyota микроавтобусын ақаулық салдарынан қарсы жолаққа шығып кеткен жүк көлігі қағып кеткен.
Фото: Polisia.kz
