Полиция қызметкері "Қаңтар оқиғасына" байланысты адамды азаптағаны үшін сотталды
Алматыда полиция қызметкері "Қаңтар оқиғасы"кезінде ұсталған адамды азаптағаны үшін сотталды.
Қылмыстық істер жөніндегі мамандандырылған ауданаралық соты 2022 жылғы қаңтар оқиғасы кезіндегі азаптау ісі бойынша үкім шығарды.
Тергеуді арнайы прокурорлар жүргізді. Олар 2022 жылдың 8 қаңтарында Алмалы аудандық ішкі істер бөлімінің қызметкері тергеу изоляторында ұсталғандардың бірін азаптағанын анықтады. Қылмыс ҚР Қылмыстық кодексінің 146-бабымен сараланды.
Сот оның кінәлі деп тауып екі жыл алты айға бас бостандығын шектеу жазасына кесті. Полицей шенінен айырылып, мемлекеттік қызметте жұмыс істеуге тыйым салынды.
«Үкім заңды күшіне енді», - делінген хабарламада.
Айта кетейік кетейік, бұған дейін де "Қаңтар оқиғасына" байланысты адамдарды азаптаған үш полицей 4 жыл 6 айға сотталған болатын.
