Bloomberg: Қазақстан Теңіздегі үлесін 35%-ға дейін арттырып, $10 млрд төлем алғысы келеді
Қазақстан Теңіз кен орнын игеру жөніндегі келісімді 2033 жылдан кейін ұзартуға дайын.
Алайда инвесторларға бірқатар маңызды талап қойып отыр. Бұл туралы Bloomberg агенттігі өз дереккөздеріне сілтеме жасап хабарлады.
Басылым мәліметінше, Қазақстан үкіметі 10 млрд доллар көлемінде біржолғы төлем алуды, сондай-ақ жобадағы мемлекеттің қазіргі 20 пайыздық үлесін 35 пайызға дейін ұлғайтуды көздейді.
Жобаның операторы – "Теңізшевройл" (ТШО) компаниясымен жасалған қазіргі келісімнің мерзімі 2033 жылы аяқталады. Оны ұзарту жөніндегі келіссөздер әзірге бастапқы кезеңде.
Теңіз – Қазақстандағы ең ірі мұнай-газ кен орындарының бірі. Қазіргі уақытта ТШО-ның ең ірі акционері – америкалық Chevron, оның үлесі 50 пайыз. ExxonMobil компаниясына – 25 пайыз, "ҚазМұнайГазға" – 20 пайыз, ал ресейлік "Лукойлға" 5 пайыз тиесілі.
