Қазақстанда Назарбаев орденінің ерекше мәртебесі жойылды
Қазақстан президенті Қасым-Жомарт Тоқаев "Қазақстан Республикасының мемлекеттік наградалары туралы" заңға өзгерістер енгізу туралы құжатқа қол қойды.
Соған сәйкес, "Қазақстан Республикасының Тұңғыш Президенті – Елбасы Нұрсұлтан Назарбаев" ордені иегерлері туралы мәлімет енді Қазақстанның Даңқ кітабына енгізілетін наградалар тізімінен шығарылды.
Атап айтқанда, заңдағы осы орденнің ерекше мәртебесін бекіткен 12-1-бап толығымен алынып тасталды. Бұған дейін аталған бапта орденнің құқықтық мәртебесі мен ерекшеліктері жеке қарастырылған. Енді орденнің сипаттамасы заңның 13-3-бабына көшіріліп, басқа мемлекеттік наградалармен бір қатарға қойылды.
Сонымен бірге орден Қазақстанның мемлекеттік наградаларының жалпы тізімінде сақталып қалды. Яғни, ол мемлекеттік награда мәртебесінен айрылған жоқ, тек заңдағы ерекше мәртебесі жойылды.