Қазақстанда көлік жууға ауыз суды пайдалануға тыйым салынбақ

Су ресурстары және ирригация министрі Нұржан Нұржігітовтің айтуынша, бұл талапты енгізу үшін Су кодексіне тиісті түзетулер әзірленіп жатыр.

Министрдің сөзінше, мұндай шешім су ресурстарын үнемдеу және ауыз судың ысырап болуына жол бермеу мақсатында қарастырылып отыр.

Суды тиімсіз пайдалану деректері де көбейген. Жыл басынан бері 758 заң бұзушылық анықталған. Бұл өткен жылдың сәйкес кезеңімен салыстырғанда екі есе көп.

Жаңа шектеу қабылданса, көлік жуу орындары суды басқа көздерден алуға немесе суды қайта пайдалануға мүмкіндік беретін технологияларды қолдануға мәжбүр болуы мүмкін. Алайда мұндай талаптардың нақты тәртібі әзірге нақтыланбаған.