Жобалар
Редакциямен байланыс
Жарнама
10:54, 06 Наурыз 2024

Ресейден Қазақстанға 40-тан астам компания көшірілді

Ресей
Фото:

Бүгінгі таңда Ресейден Қазақстанға 41 ірі шетелдік компания қоныс аударды. Бұл туралы Ұлттық экономика вице-министрі Бауыржан Құдайбергенов айтты.

Оның айтуынша, қазіргі уақытта Ресейден жалпы капиталдандыруы шамамен 1 млрд долларды құрайтын 37 компанияны көшіру процесі жүріп жатыр.

«Біздің тізімде 30-дан астам елден 400-ге жуық компания бар. Бүгінде құны 1,5 миллиард доллардан асатын 41 компания бойынша нақты нәтижелер бар - бұл InDriver, TikTok және т.б.», - деді ресми өкіл.

2022 жылдың жазында Қазақстан президенті Қасым-Жомарт Тоқаев үкіметке Ресей нарығынан кететінін жариялаған халықаралық компаниялардың елге көшуі үшін қолайлы жағдай жасауды тапсырған болатын. Өткен көктемде ҚР Сыртқы істер министрінің орынбасары Алмас Айдаров олардың 25-і көшуді аяқтап, тағы 67-сі жұмыс істеп жатқанын хабарлады. Айдаров көшкендердің арасында, Honeywell, TikTok, Indriver, Fortescue, Alstom компанияларын атады.

Ал, Kursiv.kz 2023 жылдың тамыз айында «Полиметал» алтын өндіруші компаниясы Джерси аралынан Қазақстанға көшкенін жазды. Сондай-ақ жақында Кипрден Fix Price және Британдық Виргин аралдарынан Dodo Brands Қазақстанға көшіп жатқаны белгілі болды.

Фото: assembly.kz