Ресейдің тыйым салынған активтерінен түскен қаржы Украина әскеріне жұмсалады

Оның айтуынша, мұндай шешім Украинаға 2024 жылы үш миллиард еуроға дейін алуға мүмкіндік береді, оның 90 пайызы елдің әскери қажеттіліктеріне жұмсалады.

«Ресей өзінің агрессивті соғысы арқылы келтірген шығынды өтеуі керек», - деп қосты министр.

Bloomberg агенттігінің хабарлауынша, ЕО жоспары 15 ақпаннан кейін алынған кірісті Украинаға аударуды көздейді. Осы күнге дейін алынған қаражат Ресейдегі заңды талаптармен байланысты кез келген тәуекелдерді жабу үшін Бельгияның Euroclear депозитарийінде сақталады.

Активтер жылына шамамен бес миллиард еуро береді деп күтілуде, Украина жылына екі рет көмек алады.

Батыста Ресей әскерлерінің Украинаға жаппай басып кіруі басталғаннан кейін Ресей Федерациясы Орталық банкінің 260 миллиард еуроға жуық активтері бұғатталды. Қаражаттың басым бөлігі Еуропалық Одақта сақталған.

ЕО билігі 2022 жылдың күзінен бастап бұғатталған активтерді пайдалану мүмкіндігін талқылап жатыр. Германия канцлері Олаф Шольц 2024 жылдың мамырында Еуроодақ елдері Ресейдің тыйым салынған активтерінен түскен кірістің 90 пайызын Украинаның қорғаныс қажеттіліктеріне пайдалану туралы келісімге келгенін хабарлаған болатын.

ФОТО: ROMMMA | SHUTTERSTOCK