Римде әлемге әйгілі қырғыз жазушысы Шыңғыс Айтматовқа ескерткіш орнатылды

Бұл жобаны Қырғызстанның Италиядағы Елшілігі қырғыз мәдени мұрасын насихаттау аясында жүзеге асырды.

«Айтматов шыңы» деп аталатын ескерткіш Каррара ақ мәрмәрінен жасалған. Оның авторы – туындылары халықаралық деңгейде кең танылған мүсінші Алексей Морозов. Ол өз шығармасында қырғыз жазушысы шығармашылығының философиялық тереңдігін, адамзат тағдыры туралы ойларын жеткізген.