Шри-Ланкадағы шу: 23 монах 110 келі есірткі контрабандасы үшін тұтқындалды
Топ белгісіз демеуші ұйымдастырған Тайландтағы барлық шығыны төленген төрт күндік демалыстан қайтып келе жатқан.
Шри-Ланка астанасы Коломбо қаласындағы Бандаранаике халықаралық әуежайында 22 будда монахы ұсталды. Олардың жүктерінен 110 келіден астам «Куш» сұрыпты каннабис табылды. Саяхатты ұйымдастырған тағы бір монах кейінірек астананың шетінде қолға түсті. Бұл туралы BBC хабарлады.
Шри-Ланка кеден қызметінің мәліметінше, монахтардың әрқайсысы (негізінен студенттер) чемодандардың ішіне шебер жасырылған 5 келіге жуық есірткі затын тасымалдаған. Топ белгісіз демеуші тарапынан ұйымдастырылған Тайландтағы төрт күндік толық ақысы төленген демалыстан оралған.
Тұтқындалғандардың бірі (сапарға шықпаған 23-ші монах) өзгелерді «бұл қайырымдылық сыйы» деп сендіріп, сәлемдемелерді алып кету үшін арнайы фургон келетінін айтқан.
Ұсталғандардың барлығы полицияға тапсырылды. Қазіргі уақытта тергеу амалдары жүріп жатыр. Тәркіленген есірткі заты миллиондаған долларға бағалануда.
Бұл оқиға монахтар ерекше құрметке ие будда елінде үлкен наразылық пен таңданыс тудырды.
