Сот Хасан Қасымбаевтың жазасын өзгерткен жоқ

Былтыр 11 қарашада Талғар аудандық соты «адам ұрлау», «бопсалау», «денсаулыққа ауыр зиян келтіру» баптары бойынша айыпталған Хасан Қасымбаев пен тағы бес адамды кінәлі деп танып, 8 жылдан 22 жылға дейін бас бостандығынан айырған.

Ал қорғаушылары алғашқы сот үкімін негізсіз деп танып, күшін жоюды сұраған еді. Үкім өзгеріссіз қалды. Яғни, Хасан Қасымбаев – 12 жылға, Сайлау Ақтанов – 8 жыл 6 айға, Данияр Асқаров пен Руслан Әлиев – 8 жылға, Мадияр Қалымжанов – 9 жыл 6 айға, Нұрмұхамет Сұлтанбеков – 22 жылға темір торға қамалады.