Жазылу
Сүт безі обырының алдын алу үшін алғашқы препарат қолдануға рұқсат етілді
Ұлыбритания сүт безі обырының алдын алу үшін анастрозол препаратын қолдануды мақұлдады. Дәрі ауру қаупін екі есе азайта алады. Бұл туралы The Conversation жазды.
Дүние жүзінде жыл сайын 2,3 миллион адам сүт безі қатерлі ісігіне шалдығады, негізінен әйелдер. Осы қатерлі ісіктердің тіпті бір бөлігінің алдын алу көптеген адамның өмірін сақтап қалуы мүмкін. Ұлыбритания әйелдерде сүт безі қатерлі ісігінің алдын алу үшін анастразолды қолдануды мақұлдаған бірінші ел атанды. Анастрозол бұрын Ұлыбританияда сүт безі қатерлі ісігін емдеуге рұқсат етілген еді.
Препараттың әрекеті эстроген деңгейін төмендетуге негізделген. Алдыңғы зерттеулер препараттың химиотерапиядан немесе хирургиялық араласудан кейін пациенттерде эстрогенге сезімтал сүт безі обырының қайталануының алдын алуда тиімді екенін көрсетті.
Дегенмен, эстроген деңгейінің күрт төмендеуі менопауза белгілерін нашарлатуы және сыну қаупін арттыруы мүмкін. Сондықтан қазіргі кездегі ұсыныс анастрозолды профилактикалық түрде бес жылдан аспайтын мерзімге, қауіп пен пайдалардың арақатынасын мұқият таразылай отырып қабылдау керек.
Айта кетейік, елімізде қатерлі ісік ішінде сүт безі обыры бірінші, өкпе обыры екінші, тоқ ішек обыры үшінші, асқазан обыры төртінші орында. Жыл сайын 5 мыңнан аса әйел сүт безі ісігінен зардап шегеді.
