11.09.2020, 16:03
259
Шымкент қаласында коронавирус инфекциясын жұқтырған науқастардың саны азайып келеді. Бір тәулікте 1 науқас тіркелген жағдайлар кездесуде.
Дегенмен ауру азайды деп арқаны кеңге салуға болмайды. Емханалар жанынан құрылған мобильді топ тәулік ішінде 100-ге жуық тұрғынның үйіне барып, алғашқы медициналық-санитарлық көмек көрсетуде. Медицина мамандары әлі де босаңсуға болмайтынын ескертуде. Олар тұрғындарға сақтық шараларын мейлінше күшейтіп, карантин талаптарын ұстануға шақырады.
Айта кетейік, Шымкент қаласында бүгінге дейін Сovid-19 жұқтырудың 5 182 жағдайы тіркелді. Оның ішінде 2 642-сі – симптомды, 2 540-ы – симптомсыз жағдай. Бүгінгі күнге дейін 4 498 науқас коронавирус инфекциясынан жазылып шықты. Қазіргі таңда 622 адам емделіп жатыр, оның ішінде 6 тұрғын стационарға жатқызылған.
Бүгінде қаладағы провизорлық және инфекциялық стационарларда 400 төсек-орын болса, оның 67 пайызы бос тұр.
ҰҚСАС ЖАҢАЛЫҚТАР
