Кітапқұмар қылмыскердің жазасы қысқаруы мүмкін

Арайлым ЕРКЕБАЕВА

26.01.2021, 11:30

1738

       Бүгінгі таңда білім саласындағы мектептерде оқушылардың бағдарламадан тыс, әдеби кітаптарды көп оқуы үшін күш салып, түрлі жобаларды өткізуді мұғалімнің мойнына жүктеп қойған.  Енді  кітап  оқу үрдісі өмір жолында сүрініп, темір тордың ар жағынан бір-ақ шыққан азаматтарға да қолданылуда.

        Қарағандыда қылмыстық атқару жүйесінің мамандары  темір тордың ар жағындағы тентектерді әдебиетпен түзетуді қолға алыпты. «Әдебиет – ардың ісі» екені сөзсіз, дегенмен қолы қалт етпей, кісі өлтіргендерді кітаппен тәрбиелеу нәтиже бере ме, жоқ па, ол жағы әлі беймәлім. Қарағанды  облысының қылмыстық атқару жүйесі бұл жобаны  Бразилия елінің әдісіне қарап, қолға алғандарын мәлімдеген. Бұл елде түрмеде жүріп кітапты  көп оқығандардың 96 сағат жазасын өтеу мерзімі қысқарады.

      Қарағанды облысында «Кітап оқуда шекара жоқ» деген атаумен түрмеде  пилоттық жоба қолға алынған. Бұл үшін мамандар қазақ, орыс және шетел әдебиетінен қырық кітапты таңдап алып, сотталушыларға ұсынған. Жазасын өтеп жүргендер кітаптарды оқып болған соң, комиссияның алдында әдеби шығарма мазмұнын айтып береді әрі сол туындыға қатысты өз пікірлерін білдіріп эссе жазады. Кітап оқу жобасының  талабын мүлтіксіз орындай алған сотталушы ісін сот қысқарту үшін комиссия ұйғарым жазып береді. Мұндай пилоттық жоба бірінші АК 159/7 түзету  мекемесінде жүзеге асырылады. Кейін облыстағы барлық түрмелерде кітап  оқу шарасы жүргізілмекші.  Бұл жоба жақсы нәтиже берсе, кейін елдегі барлық колонияларда іске асырылмақшы.

      Жалпы, Қарағанды түрмелерінде жазасын өтеушілерді кітаппен емес, таяқпен тәрбиелеген жайттар да жұртқа жария болып жатады. Жақында құқық қорғаушы Елена Семенова Facebook-тегі парақшасында АК 159/6 түзету мекемесінде сотталушы Манас Қапылбаевтың өзіне шағымданғанын жазады. Жазасын өтеуші колония қызметкерлерінің өзін ұрып-соғып қысым көрсеткенін және сондағы бір маманның ақша бопсалағанын мәлімдеген. Сондай-ақ  Елена Семенова Иван Верле деген жазасын өтеушіге де қысым көрсетілгенін  айтады.  Алайда қылмыстық атқару жүйесі департаменті бұл ақпаратты негізсіз деп отыр.  Айтуларынша, құқық қорғаушының  мәлімдемесінен кейін арнайы прокуратура түрмеге барып, тексеріс жүргізген әрі ешқандай заңсыздық таппаған.

Тегтер: қылмыс адам өлтіру төбелес полиция заңсыздық зорлық-зомбылық

ҰҚСАС ЖАҢАЛЫҚТАР

Арайлым ЕРКЕБАЕВА 09:05
Діннен тірек таба алмай адасқандарға ақпараттық түсіндіру тобы көмекке келуде
Сайт әкімшілігі 12.08.2022, 10:21
Қарағанды облысында жол-көлік апаты салдарынан үш адам қаза тапты
Сайт әкімшілігі 12.08.2022, 08:51
ШҚО-да қарттар үйінің лауазымды тұлғалары 7,4 млн теңге жымқырған
Бифат ЕЛТАЕВА 11.08.2022, 16:56
Жас таланттарды анықтайтын жоба
Сайт әкімшілігі 11.08.2022, 15:06
Қостанайда балабақша тәрбиешісі үш жасар бүлдіршіннің сүйегін сындырған – министрлік
Сайт әкімшілігі 11.08.2022, 10:22
Қазақстанның бірқатар өңірінде бейсенбі күні бұршақ аралас жаңбыр күтіледі

Аңдатпа


  • "Төбесі құлап жатыр". Талғарда 3 миллиард теңгеге салынған мектеп төңірегінде дау туды
    08:58
  • Қасақана өртеді: Тараздағы әскери бөлімдегі жарылысқа қатысты тың дерек шықты
    12.08.2022, 08:47
  • «Үйдің жыртығын жамау мүмкін емес»: Елордада 50 жыл болған жатақхана құлағалы тұр
    11.08.2022, 09:04
  • Смайыловтың Президентке ұсынған болжамы дөп келе ме?
    10.08.2022, 09:37
  • «ЭКСПО-2017»: Миллиардттарға салынған мақтаулы нысандар су астында қалды
    09.08.2022, 08:49