Шымкент үздіктер қатарында аталды

М.СӘУЛЕБЕК

19.08.2021, 13:48

1200

Премьер-министр А.Мамин республикалық маңызы бар қалалар мен облыстардың әкімдерімен селекторлық мәжіліс өткізіп, жиында өңірлердің әлеуметтік-экономикалық даму көрсеткіштері таразыланды.

Мәжілісте  Шымкент қаласының барлық көрсеткіштерінде өсім динамикасының бар екені баяндалды. Ұлттық экономика министрі Әсет Ерғалиев: «Өңірлер арасында ең жоғары көрсеткіш Түркістан және Солтүстік Қазақстан облыстарында, сондай-ақ Шымкент және Алматы қалаларында байқалуда», – деп атап өтті.

Оның ішінде биылғы қаңтар-шілде аралығында былтырғы тиісті кезеңмен салыстырғанда Шымкент қаласының  өңдеу өнеркәсібіндегі көрсеткіші – 104,8, ауыл шаруашылығы саласы – 103, құрылыс жұмыстары – 114,6,  пайдалануға берілген үйлер көлемі – 107,9, сауда саласы – 104,2, көлік саласы – 103, жеке инвестиция тарту көлемі 149,5 пайызға артқан.

Шымкент қаласының кен өндірісімен байланысты емес салалар бойынша инвестициялық белсенділігі 22,8 пайызға жеткен. Құрылыс, өңдеу өнеркәсібі, оның ішінде азық-түлік өндірісі, байланыс және ақпарат, ауыл шаруашылығы, сауда, жылжымайтын мүлік операциялары, көлік салаларында оң даму көрсеткіштері қалыптасқан. Бұл бағытта үшінші мегаполис 3-орынға тұрақтаған.

Құрылыс саласында Шымкент қаласы үздік бестіктің қатарына енді. Өткен жылдың тиісті кезеңімен салыстырғанда құрылыс көлемі 14,6 пайызға өскен.

«Қаламыздың әлеуметтік-экономикалық даму көрсеткіштерінде қалыптасқан оң динамика шаһар экономикасының тұрақты өркендеуіне негіз болып, даму жоспарында қамтылған міндеттерді табысты іске асыруға кепіл болмақ», – деп хабарлады Шымкент қаласы әкімдігінің баспасөз қызметі.

Шымкент ауылшаруашылық өнімдерін өндіру жағынан да көшбасшы өңірге айналған. Мегаполисте екі бірдей агро-индустриалды аймақ құрылуда. Оның бірі заманауи өнеркәсіптік жылыжай кешені болса, екіншісі – «Бозарық» тамақ өнеркәсібі индустриалды аймағы.

Қалада ашылып жатқан өнеркәсіптік жобалар да аз емес. Мәселен, жақында инвестициялық штабтың отырысында Шымкентте аяқкиім шығаратын кәсіпорынның жобасы таныстырылды.  Мегаполисте аяқкиім өндірісін «Тараз-INTERSERCO» серіктестігі қолға алып отыр. Ол үшін арнайы аймақтан бір гектар жер берілді. Инвестициялық жобаның құны  400 миллион теңгені құрайды. Жылына 150 мың жұп  аяқкиім тігу жоспарланып отыр. Шығарылған өнім толығымен ішкі нарықты қамтитын болады. Кәсіпорын іске қосылған кезде 60 адамды жұмыспен қамтымақ. Бүгінгі таңда инвестор тарапынан барлық қажетті құрал-жабдықтар алынған. Вьетнамдық кәсіпкерлермен серіктестік орнату, құжаттарды рәсімдеу жұмыстары жүргізілуде.

Штаб отырысында инвесторға жер мен инфрақұрылым, экономикалық аймақтың жеңілдіктерін ұйымдастыру, мемлекеттік қолдау көрсету туралы шешім қабылданды.

Тегтер:

ҰҚСАС ЖАҢАЛЫҚТАР

Сайт әкімшілігі 09.08.2022, 17:35
Түркістан: АӘК алатын отбасылардың балалары мектеп формасымен қамтамасыз етіледі
Сайт әкімшілігі 08.08.2022, 18:37
Қытайда жаңа вирус шықты
Сайт әкімшілігі 08.08.2022, 13:41
Алматы облысында жантүршігерлік жол апатынан 5 адам қаза тапты
Сайт әкімшілігі 08.08.2022, 09:11
Оралдағы кәсіпкер өлімі: күдіктілерді іздеуге әскерилер тартылды
Ерзия ЕРСҰҢҚАР 06.08.2022, 09:28
Төтенше жағдай қызметі заманауи талаптарға бейімделіп үлгеруде
Сайт әкімшілігі 04.08.2022, 13:22
Ақтауда полицейді пышақтап кеткен күдікті ұсталды

Аңдатпа


  • Смайыловтың Президентке ұсынған болжамы дөп келе ме?
    09:37
  • «ЭКСПО-2017»: Миллиардттарға салынған мақтаулы нысандар су астында қалды
    09.08.2022, 08:49
  • Ұлттық банк пен Үкімет қымбатшылықты құрықтауға неге қауқарсыз?
    08.08.2022, 08:49
  • Баспана аспандады, азық-түлік шарықтады, үкімет өз жөнімен қалықтап жүр...
    05.08.2022, 09:17
  • АЭС-тің арты жақсы бола ма?!
    04.08.2022, 08:55