Ысқақов ісі аяқталуға жақын

Нұр-Қасым ЖОМАРТ

10.12.2020, 11:50

1839

Қызылорда облысының экс-әкімі Қуанышбек Ысқақовтың ісі бойынша қалалық №2 сотта жарыссөз аяқталды. Іс бойынша үкім 10 желтоқсанда оқылмақ. Осы уақытқа дейін айыптаушы және қорғаушы тараптар сөз сөйледі, барлық айғақтар тыңдалды, ал соңғы сөзінде: «Айыптау  куәгерлердің жалған айғақтарына және жәбірленуші Абдрахимованың жалған құжатына негізделген», – деген Ысқақов Арысқа жиналған аймақ тұрғындарының қаржысына ешқандай қатысы жоқтығын айтты.

– Қазір біз Қызылорда облысы әкімдігінің лауазымды тұлғаларына қатысты аса ірі көлемде алаяқтық жасады деп айыпталған, атап айтқанда, «Сыр мейірімі» қоғамдық-әлеуметтік қорына тиесілі 80 миллион теңге көлеміндегі қаражатты жымқырғаны үшін қылмыстық істі қарауды аяқтап жатырмыз, – деді Ысқақовтың адвокаты Асылбек Жұмағұлов.

Сотта куәгерлер ол миллиондардың Түркістандағы шығыс моншасын салуға кеткенін растапты.

– Қайрат Ерназаровтың айғақтарынан Түркістан қаласында шығыс моншасын салуға 80 миллион теңге көлеміндегі қаражат толық пайдаланылғаны белгілі. Қалған үш кәсіпкерлік субъектілерінің басшылары да мұны растады, – дейді адвокат А.Жұмағұлов.

Сондай-ақ «Бақ-береке 2030» ЖШС бас бухгалтері және куәгер, облыстық құрылыс басқармасының бұрынғы бастығы М.Әлсеріков те Түркістан қаласындағы шығыс моншасын салуға қор қаражатын пайдалану туралы көрсеткен.

– Қор қаржысы қалайша қолды болуы мүмкін, егер ол ақша толығымен шығыс моншасының құрылыс жұмыстарына жұмсалса?! Сот отырысы барысында анықталған істің мән-жайларынан алаяқтық жолмен бөтен мүлікті жымқыру болмағаны, қордың ақшалай қаражаты олардың нысаналы мақсаты бойынша пайдаланылмағанын басқа жолмен бағалауға болады, бірақ алаяқтық ретінде емес. Ал басқа айыптаулар бойынша барлық кінәлілерге айып тағылмағандықтан, оларға қорға қатысты өз мәселелерін азаматтық-құқықтық тәртіппен шешу мүмкіндігін бере отырып, толық ақтауға болады, – дейді қорғаушы.

Осы іс бойынша арнайы брифинг өткізу сот үкімі жарияланған соң жоспарланып отыр.

Тегтер:

ҰҚСАС ЖАҢАЛЫҚТАР

Гүлжан СЕРІКҚЫЗЫ 30.07.2021, 17:53
Ішкі туризмнің халі қалай?
Сайт әкімшілігі 30.07.2021, 17:51
Әкімшілік рәсімдік-процестік кодексі: мемлекетке сену құқығы
Сайт әкімшілігі 30.07.2021, 17:49
Жаңа кодекс қазақстандықтарды қалай қорғайды?
Нұр САЙЛАУОВА 30.07.2021, 17:42
Қазақстанның жаһандық бастамаларына оң баға берілуде
Б.СӘРСЕНБИ 30.07.2021, 17:38
«Жұмыла көтерген жүк жеңіл»
Арайлым ЕРКЕБАЕВА 30.07.2021, 15:21
«Жусан» операциясы: тағдыр тәлкегінен құтқарғандар

Аңдатпа


  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29
  • "Жас Алаштың" 100 жылдығына орай ұйымдастырылған бильярд турнирі тартысты өтті
    14.03.2021, 11:39
  • «Жас алаштағы» жасын жылдар
    15.07.2021, 10:58
  • Ташкенттен «Жас Алаш» газетінің түпнұсқасы табылды (видео)
    07.07.2021, 13:15