Air Astana ұшағы Алматы әуежайына мәжбүрлі түрде қонды
Алматы-Астана бағытындағы рейсті орындап жатқан Air Astana әуе компаниясының ұшағы салонда түтін пайда болуына байланысты Алматы әуежайына мәжбүрлі қонуға мәжбүр болды.
Оқиға 17 желтоқсан күні таңғы уақытта тіркелген. Airbus A321neo үлгісіндегі әуе кемесінің экипажы салонда түтін байқалуына байланысты MAYDAY халықаралық төтенше жағдай сигналын берген. Дабыл таңғы 7:38-де жолданса, араға екі минут салып, 7:40-та ұшақ Алматы әуежайына сәтті қонған.
Ресми мәліметке сәйкес, жолаушылар мен экипаж мүшелері арасында зардап шеккендер жоқ. Қону сәтінен кейін әуежайдың өртке қарсы және авариялық-құтқару қызметі қауіпсіздік шараларын толық қамтамасыз еткен.
Сайт Әкімшілігі
Сайт Әкімшілігі
