АҚШ пен Иран арасындағы келісім кедергіге тап болды
Вашингтон мен Тегеран арасындағы Таяу Шығыстағы тұрақтылық пен әлемдік мұнай бағасына тікелей әсер ететін маңызды келісім алғашқы кедергілерге тап болды.
Тараптар меморандумға қол қою алдындағы ұйымдастырушылық мәселелер бойынша әзірге толық келісімге келе алмай отыр.
Белгілі болғандай, АҚШ пен Иран Швейцарияда өтетін келіссөздердің нақты форматы мен уақытын әлі түбегейлі бекітпеген.
АҚШ вице-президенті Джей Ди Вэнстің өкілі журналистерге берген мәлімдемесінде америкалық делегацияның кез келген сәтте Еуропаға аттануға дайын екенін айтты. Оның сөзінше, Вашингтон Тегераннан соңғы келісімді күтіп отыр.
«Алдағы келіссөздердің жоспары әлі толық келісілген жоқ. АҚШ делегациясы мүмкіндік туған сәтте жолға шығуға әзір. Дегенмен мұндай кездесулердің ұйымдастырушылық жағы ешқашан оңай әрі болжамды болған емес», – деді Ақ үй өкілі.
Сонымен қатар Вашингтонда АҚШ вице-президенті Джей Ди Вэнс Швейцарияға шұғыл түрде ұшып кетеді деген ақпарат та жоққа шығарылды.
Кідіріс болғанымен, АҚШ тарапы келіссөздер жақын күндері басталады деп үміттенеді.
