Алматы облысында сот залынан қашқан күдікті ұсталды

Күдікті Қарасай аудандық қылмыстық істер жөніндегі мамандандырылған сотында қаралып жатқан кезде қашып кеткен. Оған зорлау фактісі бойынша айып тағылған. Қылмыскердің қашуы қоғамда үлкен резонанс тудырған.

Қашқан сәттен бастап іздестіру жұмыстарына полиция мен Ұлттық ұланның жеке құрамы, сондай-ақ көрші облыстардың құқық қорғау бөлімшелері жұмылдырылған. Жедел-іздестіру шаралары барысында күдіктінің жүру бағыты анықталып, оның орналасқан жері белгіленді.

Күдікті қазіргі таңда уақытша ұстау изоляторына қамалды. Енді оған бастапқы айыппен қатар, қамаудан қашқаны үшін Қылмыстық кодекстің тиісті бабы бойынша қосымша іс қозғалады.

 Қазіргі таңда оған қатысты қосымша қылмыстық іс қозғалып, тергеу жалғасуда.

Құзырлы органдар оқиғаның мән-жайын нақтылау үстінде. Ресми мәліметтерге сәйкес, сот залындағы қауіпсіздік шаралары да қайта қаралуы мүмкін.