Индер ауданында балықшы суға батып кетті
9 маусым күні Индер ауданының Бөдене ауылы маңындағы Жайық өзенінде жүргізілген іздестіру-құтқару жұмыстары аяқталды.
Атырау облыстық Төтенше жағдайлар департаментінің құтқарушылары 1993 жылы туған азаматтың денесін суға кеткен жерден шамамен 100 метр қашықтықтан тауып, судан алып шықты.
Іздестіру жұмыстарына ТЖД-ның 17 қызметкері, 4 техника және 3 жүзу құралы жұмылдырылды. Сонымен қатар полиция қызметкерлері мен жергілікті тұрғындар да қатысты.
Еске салайық, 8 маусым күні кешке ер адам Жайық өзенінде балық аулап жүрген кезде суға батып кеткен болатын.
Атырау облысының Төтенше жағдайлар департаменті тұрғындарды су айдындарында қауіпсіздік талаптарын қатаң сақтауға шақырды.
Сайт Әкімшілігі
Сайт Әкімшілігі
