Қазақстан сыртқы істер министрі КТК төңірегіндегі жағдайды Рубиомен талқылады
Қазақстанның Сыртқы істер министрі Ермек Көшербаев АҚШ-тың мемлекеттік хатшысы Марко Рубиомен телефон арқылы сөйлесті.
Келіссөздің негізгі тақырыптарының бірі Каспий құбыр консорциумы (КТК) айналасындағы жағдай болды.
Қазақстан Сыртқы істер министрлігінің хабарлауынша, тараптар сондай-ақ екіжақты ынтымақтастық мәселелері мен Қасым-Жомарт Тоқаевтың G20 саммитіне қатысу үшін АҚШ-қа жоспарланған сапарына дайындықты талқылады.
Алайда ведомство КТК-ға қатысты әңгіменің нақты қорытындыларын жариялаған жоқ.
Еске салсақ, бұған дейін Қазақстан 17 және 19 шілдеде Қара теңізде КТК инфрақұрылымы арқылы мұнай тасымалдаған азаматтық кемелерге жасалған дрон шабуылдарын айыптаған болатын.
Сыртқы істер министрлігі бұл әрекеттерді Қазақстанның экономикалық мүдделеріне қол сұғу әрі халықаралық сауда қауіпсіздігіне төнген қатер деп бағалады.
Каспий құбыр консорциумы арқылы Қазақстан мұнай экспортының шамамен 90 пайызы тасымалданады.
