Қазақстанда АЭС-ті кім салады? Абаев жауап берді

Абаевтың айтуынша, Росатом салады деген шешім қабылданса, Ресей әрқашан алдыңғы тізімде болады.

Президентіміз өзінің сайлауалды тұғырнамасында да кез келген стратегиялық маңызды немесе нәзік мәселе референдумда шешілетінін, яғни халықтың пікірімен санасу керектігін нық айтты. Бұл оның берік ұстанымы және менің ойымша, қазақстандықтар мұны оң бағалайды.

Біз мұны референдумға шығарып отырмыз. Қазақстанда атом энергиясына қатысты белгілі бір фобиялар бар. Семей ядролық полигоны ұзақ уақыт бойы Қазақстан аумағында орналасып, республика тарихында да, денесінде де үлкен із қалдырды. Бұл жарылыстардың салдары әлі де сезілуде.

Сондықтан бұл Қазақстандағы біз үшін нәзік мәселе. Егер Қазақстан халқы бұл үдерістерді қолдаса, референдумнан кейін бірден болады.

Біз қазірдің өзінде энергия тапшылығы бар елге айналып бара жатқанымызды анық түсінеміз. Қазақстанның экономикасы өсіп келеді. Сондай-ақ көміртегі бейтараптығы деп аталатын түсінік бар. Бірақ бұл ретте Қазақстан халқы өз бетінше шешім қабылдауы керек.

Бірақ Росатом, әрине, осы саладағы көшбасшылардың бірі, сондықтан мұндай шешім қабылданса, Росатом әрқашан алдыңғы тізімде болады, дейді ол.

Ал, журналистің Референдумның өтетін күндері қашан екені туралы сауалға: әлі референдум күні нақтыланбағанын, алайда, осы жылдың соңында болуы мүмкін екенін айтты. 

Фото: dzen.ru