Құрылтай депутаттары қанша жалақы алады?
Құрылтай депутаттарының ай сайынғы жалақысы 600 мың теңгеден басталып, 1 млн теңгеге дейін жетеді. Бұл туралы Құрылтай төрағасының орынбасары Дания Еспаева брифинг барысында мәлімдеді.
Оның айтуынша, депутаттың еңбек өтіліне қарай алатын жалақысының мөлшері де өзгереді. Еңбек өтілі жоғары депутаттардың айлығы 1 млн теңгеге дейін жетуі мүмкін.
Айта кетейік, Құрылтай құрамында 145 депутат бар. Олардың басым бөлігі «Әділет» партиясынан сайланған – 110 мандат.
«Ауыл» партиясында 10, Respublica партиясында 9 орын бар. Ал ОСДП мен «Ақ жол» партияларына 8 мандаттан тиесілі.
Сайт Әкімшілігі
Сайт Әкімшілігі
