Путиннің геосаяси қолы: "Экозащита!" негізін қалаушы уран импортын сынға алды

Ресейлік эколог және белсенді Владимир Сливяк, "Экозащита!" ұйымның негізін қалаушы және балама Нобель сыйлығы ретінде белгілі Швецияның  Right Livelihood Award сыйлығының иегері  Германияның Ресейден уран импортын жалғастыруын сынға алды. Сливяк Ресейдің «Росатом» компаниясының Германияның солтүстік-батысындағы Линген қаласындағы зауытта ядролық отын өндіруге қатысуын және Ресейден уран импортын арттыруды «өте алаңдатарлық белгілер» деп атады. Ол өз ұстанымын «Росатомның» азаматтық компания емес, ядролық қару шығаратын мемлекеттік корпорация екендігімен және «Украинадағы соғысқа қатты араласқанымен» түсіндірді.

«Путиннің геосаяси қолы»

«Росатом» – Еуропаның ядролық қуатын бақылауға алып, оны Мәскеудің мүддесіне пайдаланғысы келетін Владимир Путиннің геосаяси қолы. Мұның соңы Ресей газына қатысты бұрынғыдай бопсалаумен аяқталуы мүмкін», - деп болжайды Германияда қуғында тұратын ресейлік экология белсендісі.

Оның айтуынша, Германия үкіметі «Росатомның» ядролық өндіріс сияқты маңызды аймаққа енуіне жол бермеуі керек, әйтпесе Еуропаның ядролық қауіпсіздігіне елеулі қатер төнеді. «Сонымен қатар, «Росатоммен» ынтымақтастық Мәскеуге қосымша пайда әкеледі, бұл Украинадағы соғысқа жұмсалады», - деп есептейді Владимир Сливяк.

Ол «Росатомның» Мәскеудің Украинаға қарсы соғысына тікелей және жанама қатысы барын алға тартады. Мысалы, "Экозащита!" құрылтайшысының айтуынша, ресейлік атом корпорациясы Запорожье атом электр станциясын басып алуда шешуші рөл атқарған және өзі ЕО санкцияларында болмаса да, санкцияларды айналып өту үшін ресейлік қару өндірушілерден қару сатып алуды ұсынған.

Соңғы бір жылда Германияның Ресейден уран импорты 70 пайызға дерлік өсті, өйткені мұнай мен газдан айырмашылығы олар ЕО санкцияларына ұшырамайды. Ресейлік уран Лингендегі отын элементтерін шығаратын және «Росатоммен» бірлескен жобаларды іздестіруде жүрген француздық Framatome мемлекеттік компаниясына тиесілі зауытқа жеткізіледі.