Ресейдің қай қалаларында қазақ тілді мектептер пайда болуы мүмкін?
Мәжіліс депутаты Ғани Бейсембаев Ресей Федерациясының аумағында қазақ тілінде білім беретін мектептер салу жоспары мәселесіне қатысты пікір білдірді.
Атап айтқанда, журналистер әлеуметтік желіде жарияланған осындай мектептерді салу туралы Астраханьда тұратын қазақтардың өтінішіне қатысты пікір білдіруді сұрады.
«Иә, бұл мәселе талқылануда, үш облыс қаралып жатыр, бұл Астрахань, Орынбор, үшінші – Томск немесе Омбы, нақты есімде жоқ», - деді Бейсембаев БАҚ өкілдеріне.
Оның айтуынша, бұл мәселе қазақтардың көп диаспоралары тұратын аймақтарда қарастырылуда.
«Бұл жұмыс ресейлік әріптестермен бірлесіп жүргізілуде», - деп атап өтті депутат.
Сайт Әкімшілігі
Сайт Әкімшілігі
