Садыр Жапаров боксер Биволға Rolls-Royce көлігін сыйға тартты

Спортшы сыйлықтың суреттерін әлеуметтік желіде жариялады.

Оған көлік кілтін Қырғызстан президентінің ұлы Рустам Жапаров табыс етті. Бивол мұны "керемет сыйлық" деп атады. 

Журналистер көліктің 1977 жылы шығарылғанын және екі жыл бұрын Қырғызстанда тіркелгенін анықтады. Коллекционерлер үшін мұндай модельдің құны шамамен 150 мың доллардан басталады.

Дмитрий Бивол Қырғызстанның Токмак қаласында туып, бокстағы алғашқы қадамын сол жерден бастаған. Кейін Ресейдің атынан кәсіпқой жарыстарға қатысып жүргенде қырғыз спортшыларымен байланысын үзбеген. Ал жақында боксшы Қырғызстан бокс құрамасының қазіргі бас бапкері Данияр Толгон уулумен бала кезінен дос болғанын айтты.

2022 жылдың тамыз айында Дмитрий Бивол алғаш рет Қырғызстан туымен рингке шықты. 

Айта кетейік, Бивол алғаш рет 13 қазанда Бетербиевпен арадағы жекпе-жек кезінде жеңілді. Ол кәсіпқой бокста 24 кездесу өткізіп, оның 23-інде жеңген. Биволды бокста жеңілмейтін боксерлер қатарына да жатқыза бастаған еді. Ол тіпті 2022 жылы атақты мексикалық Канело Алваресті де төрешілердің шешімімен жеңген.