Санкцияға қарамастан Ресей АҚШ-қа ядролық отын жеткізуші ірі серіктес болып отыр

 Бұл уран америкалық атом электр станцияларында пайдаланылады, деп жазды Bloomberg.

АҚШ-тың ядролық отынының құрылымы

АҚШ Энергетика министрлігінің есебіне сәйкес, Ресей 2025 жылы елдегі атом реакторларында қолданылған байытылған уранның 20%-ын қамтамасыз еткен. 2023 жылы бұл көрсеткіш 27% болған.

Сонымен қатар:

• Франция – 18%,

• Нидерланд – 15%,

• Ұлыбритания – 9%,

• Германия – 7% үлеске ие.

2024 жылдың соңына қарай америкалық компаниялардың қоймаларында шамамен 75 мың тонна уран сақталған.

Шикізат қайдан келеді?

АҚШ уран шикізатының негізгі жеткізушілері:

• Канада – 36%,

• Қазақстан – 24%,

• Австралия – 17%.

Одан кейінгі орында Өзбекстан (9%), Намибия және Ресей (әрқайсысы – 4%).

Есепке сәйкес, АҚШ-та өндірілген уранның тек 28%-ы ел ішінде байытылады, қалған бөлігі шетелде өңделеді.

Баяндамада атап өтілгендей, Кремльдің Украинаға басып кіруінен кейін АҚШ Ресейден реакторлық отын импортын тыйым салғанына қарамастан, уранды жеткізу жалғасып келген.