СІМ Грузияда Қазақстан азаматының есірткімен ұсталғанын растады

Министрліктің хабарлауынша, Қазақстан азаматына Грузия Қылмыстық кодексінің 260-бабының 1-бөлігі бойынша айып тағылған. Ол есірткі заттарын заңсыз иемденді және сақтады деген күдікке ілініп отыр.

Қазіргі уақытта Қазақстан консулы оқиғаның мән-жайын анықтау үшін Грузияның құзыретті органдарымен тікелей байланыс орнатқан.

Сыртқы істер министрлігі бұл істі бақылауға алғанын хабарлады.