Сүйіктісінің пәтерін өртеген азамат өмір бойына бас бостандығынан айырылды

 Өрт салдарынан екі кішкентай бала қайтыс болды, ал әйел кейін ауруханада көз жұмды. Сот сотталушыны өмір бойына бас бостандығынан айыру жазасына кесті.

Іс материалдарынан белгілі болғандай, сотталушы бұрынғы некеден екі баласы бар әйелмен кездескен. Кейін сүйіктісі үнемі келіспеушіліктерге байланысты онымен қарым-қатынасты үзуді шешті.

Сотталушы оның шешімімен келіспеді, ол өзінің бұрынғы сүйіктісін аңдып, оның пәтеріне терезе арқылы кіріп, оған қайтып келмесе, күш көрсетем деп қорқытқан.

Пәтерде бейтаныс адамның болғанын көрген сотталушы ашуланып, бес литрлік бензин сатып алып, қайтадан терезе арқылы пәтерге кіріп, өрт қояды.

Күшті өрттің кесірінен ауыр күйік алған әйел балаларын құтқара алмаған. Оның досы терезені сындырып, жәбірленушімен бірге көшеге секірген.

Пәтердегі өрт салдарынан жәбірленушінің 10 жасар ұлы мен 7 жасар қызы ауруханада денесінің 90 пайызын күйік шалып, қайтыс болды. Оның досы аман қалды.