Сайран көлінің жағасынан Қаңтар оқиғасы кезінде ұрланған қару табылды

Ішкі істер министрлігінің мәліметінше, бұл қару бұқаралық тәртіпсіздіктер кезінде қару-жарақ дүкенінен ұрланған.

ІІМ дерегіне сәйкес, жыл басынан бері құқық қорғау органдары 900-ден астам қару тәркілеген. Оның ішінде 74 дана – Қаңтар оқиғалары кезінде қолды болған қарулар. Сонымен қатар заңсыз айналымнан 4 мыңнан астам оқ-дәрі алынған.

ІІМ заңсыз сақталған қаруды ерікті түрде тапсырған азаматтар қылмыстық және әкімшілік жауапкершіліктен босатылатынын еске салды.