Туринде өтіп жатқан қысқы Универсиадада Қазақстан алғашқы алтынын жеңіп алды

Финалда қазақстандық әйел 79,79 ұпай жинады. Бұл нәтиже оған бірінші орын алуға мүмкіндік берді. Екінші орын жапониялық Харука Накаоға бұйырды – 76,29 ұпай. Қола жүлде 75,04 ұпаймен неміс Ханна Вессеге бұйырды.Қазақстанның тағы бір өкілі Аяулым Әміренова бесінші нәтиже көрсетті – 70,52.

19 жастағы Городко Қазақстанға 2025 жылғы Универсиададағы алғашқы алтын медалін әкелді.

Анастасия Городко үш дүркін әлем чемпионы. 2022 жылы параллельді могулда алтын алса, 2024 жылы могулда бірінші болды. Осы жылдың басында Алматыда өткен жасөспірімдер арасындағы әлем чемпионатында ол параллель могулдан алтын алған болатын.

Сонымен қатар, Городко Алматыда өткен жекелей сында күміс алды. Сондай-ақ 2022 жылы ол жеке және командалық сында екінші болды.