Ауылдағы жер дауы

Арайлым ЕРКЕБАЕВА

30.07.2021, 09:08

2558

        Қай заманда болсын қазақ арасында жер дауы біткен емес. Жаңаарқа ауданына қарасты Ақтау ауылы тұрғындары арасында жер дауы өршіп тұр.   «Жер бөлімі жер бөлуде салғырттық танытып отыр» деген ауылдағы кейбір ағайынның  билікке  өкпесі  «қара қазандай» .   

    Ақтау ауылының тұрғыны, шаруа қожалығы бар Бекзат Жарылғапов Жаңаарқа ауданы жер бөлімінің мамандары мен жергілікті әкімдік жер бөлуде «бармақ басты, көз қыстыға» жол беріп отыр ма деп күдіктенеді. Оның 1800 гектар жері бар, алайда төрт түлік мал қарасы көп болғандықтан, әкімдіктен пайдалануға  қосымша жер сұраған.

Жыл сайын жер сұраған шаруаның тауы шағылып жүр, өйткені оған «жерің бар» деген желеумен жер телімі берілмей отыр. Тұрғындардың айтуынша, сырттан келгендерге әкімдік жер берген. Алайда сырттан келгендердің жер алғанын әкімдік растаған жоқ. Ауылдағы ағайын қаладан келіп, мал өсіргісі келетіндер ауыл тұрғындары атынан жер рәсімдеткен деп топшылайды.   

   – Бұл ауылда жер алып, оны пайдаланбай отырғандар төңірегіндегі мәселе шешілмей отыр. Мұны мен аудандық әкімшілікке барып, бірнеше рет айттым, бірақ нәтиже жоқ. Жер  телімін беруге қатысты конкурсты шенеуніктер дұрыс өткізе алмайды. Жерден үміттеніп жүргендер тіпті   конкурстық шараның өткенін білмей де қалды. Алақандай ауылда жер мәселесі реттелмесе, басқа не айтуға болады? Бұл жерде бір шикілік бар сияқты, шынайылық жоқ, – дейді Ақтау ауылының тұрғыны Бекзат Жарылғапов.      

  Бекзат Жарылғапов әкімдік жер беруге қатысты конкурс ұйымдастырғанда ауыл тұрғындарының пікірімен санаспайды, әділдік жоқ деп отыр. Ол енді жағдай шешілмесе, «сотқа дейін жүгініп, құқығымды қорғаймын» дейді.       

  Ал Жаңаарқа ауданының әкімшілігі болса шаруа қожалығы иесінің пікірімен келіспейтінін жеткізді. Атқамінерлердің сөзіне сенсек, 9 шілдеде ауылшаруашылық жерлеріне жарияланған конкурс әділ өткен. Конкурсқа төрт адам қатысып, жер алудан үмітті екендерін білдірген. Алайда конкурста комиссияның дауысқа салуы арқылы Ақтау ауылдық округіне қарасты Айшырақ ауылының тұрғыны жеңіске жеткен.      

   Бекзат Жарылғаповтың айтуынша, ауылда шабындық пен мал жайылымына жер сұрап жүргендер көп екен. Ал әкімдік болса «бұл  шешілген мәселе» деп жайбарақат отыр.

Тегтер: жер реформа комиссия ереже өкім

ҰҚСАС ЖАҢАЛЫҚТАР

Сайт әкімшілігі 14.01.2022, 13:16
"Инфекцияның келесі толқыны наурызда көбеюі мүмкін" - Алматының бас санитар дәрігері
Сайт әкімшілігі 14.01.2022, 11:49
Түркістанды ағын сумен қамтуда маңызды жобалар жүзеге асуда
Арайлым ЕРКЕБАЕВА 12.01.2022, 18:14
Кәсіпкер блок - бекетте тұрғандарға жылы киім апарды
Айтбала СҮЛЕЙМЕНҚЫЗЫ 12.01.2022, 13:15
Қарағандылықтарды тұрмыстық газдың бағасы қинап тұр
Айтбала СҮЛЕЙМЕНҚЫЗЫ 12.01.2022, 10:15
Қарағандыда 43 адам қамауға алынды
Айтбала СҮЛЕЙМЕНҚЫЗЫ 11.01.2022, 14:00
Кеншілер мен металлургтер Президентке үндеу жолдады

Аңдатпа


  • "Қазақстан халқына" қорына білім беру ұйымдары ақша аударуға міндеті емес
    17.01.2022, 14:00
  • Алматы трагедиясы: Бас прокуратура қылмысты толық аша ала ма?!
    14.01.2022, 08:54
  • Сағынтаев Алматыдағы бүлік кезінде қайда болды? (видео)
    13.01.2022, 09:30
  • Эпид ахуал күрделеніп барады. Бас санитардың қаулысы жарияланды
    14.01.2022, 08:39
  • Бүліктен бизнеске келген залал 100 миллиард теңгеден асты
    13.01.2022, 09:08