Сот-сараптама қызметі бәсекеге қабілетті бола ала ма?

Айшуақ АРАЙ

28.05.2021, 12:43

1462

Сот жүйесінде сараптама қызметінің дамуы маңызды орын алады. Еліміздегі осы жүйеде сот-сараптамасының озық үлгіде жұмыс жасауына арналған ілкімді жобалар қолға алынып келеді.

       Қылмыстың тез ашылуына  әрі сотқа келген әр істің әділ шешілуіне бірден-бір әсер ететін саланың бірі – сот-сараптама қызметі. Адамның  тағдыры шешілетін сот барысында сот-сараптамалық қызметтің әділ әрі тез жасалуы маңызды екені сөзсіз. Елімізде сот-сараптама қызметін бәсекеге қабілетті ету мақсатында жүйелі жобалар қолданылып келеді. Қазақстанда сот ісін жүргізуді, құқық қорғау органдары жүйесін, сот-сараптама қызметін  реформалау  мақсатында  маңызды қадамдар жасалуда. Сот жүйесінде бәсекеге қабілетті кәсіби мамандарды даярлау алғашқы орында тұруы тиіс .

Осы орайда, «Болашақ» бағдарламасымен  Ұлыбританияда 55 сот сарапшысы тағылымдамадан өтіп, шетелден  тәжірибе жинап қайтты. Ал 16 сарапшы әлі сол елде оқуын жалғастырып жатыр. Екі жүзден астам маман Ресей, АҚШ, Ұлыбритания, Польша, Түркия, БАӘ елдерінде тәжірбие алмасып, біліктілігін арттырған.

       Елімізде сот сараптамаларын жүргізудің тиімді жобалары іске асырылып келеді. Мұндай жобалар ұзаққа созылып кететін сот-сараптама жүргізу уақытын қысқартуға, сарапшы мамандардың жүктемесін азайтуға, жеке сот сараптамасы институтын дамытуға мүмкіндіктер береді. Әділет министрлігінің мәліметінше, бүгінде Нұр-Сұлтан, Алматы, Шымкент қалалары мен Қостанай, Павлодар облыстарында қылмыстық  істер бойынша сараптамалардың кейбір жекелеген түрлерін бәсекелестік ортаға беру жұмыстары жүргізіле бастаған. Бұл жоба да  сот-сараптама қызметінің дамуына өзіндік үлесін қоспақ. Бүгінгі таңда сот-сараптама  қызметіндегі дәрігерлердің жалақысын зиянды еңбек жағдайлары үшін 30 пайыздан 45 пайызға дейін өсіру жөнінде шаралар қабылданған. Бұл туралы ҚР Әділет министрі Марат Бекетаев Орталық коммуникациялар қызметінде өткен баспасөз конференциясында мәлімдеген болатын.

    – Бірыңғай сот-сараптама қызметі қалыптастырылды, сот сарапшыларының  республикалық палатасы құрылды. Осы  саланы дамыту бойынша қабылданып жатқан шаралар сот-сараптама жүйесінің тәуелсіздігін қамтамасыз етті, сот-сараптама қызметтерінің тиімділігі мен нәтижелілігін арттыруға үлес қосты, – деді Марат Бекетаев.

       Сот сараптамасы органдарының жұмысын тиімді ету мақсатында материалдық-техникалық базасын 70 пайызға жаңартқан. Зерттеу жұмыстарын оңтайлы ету үшін заманауи функционалды  зертханалық аспаптар мен жабдықтар сатып алынған, тозып істен шығу жағдайларына байланысты компьютерлік  және кеңсе техникасы жаңартылған.

Тегтер: сот шешім үй қамақ министр экс-министр

ҰҚСАС ЖАҢАЛЫҚТАР

М.СӘУЛЕБЕК 24.09.2021, 15:04
Инвесторлар үшін тартымды өңір
Арайлым ЕРКЕБАЕВА 24.09.2021, 11:13
Жезқазғанда экспедиция қатысушылары бұрын зерттелмеген петроглифтерді анықтады
Сайт әкімшілігі 24.09.2021, 09:25
Нұр-Сұлтаннан Ыстамбұлға шыққан ұшақ шұғыл қонды
Еркежан АРЫН 23.09.2021, 15:30
Жастардың мемлекеттік саясаты өзгеруі мүмкін
Еркежан АРЫН 23.09.2021, 13:00
Еріктілер вакцинаның маңыздылығын насихаттауда
Арайлым ЕРКЕБАЕВА 23.09.2021, 08:30
Сарандағы РТБ зауыты ауданында тіршілік жаңарды

Аңдатпа


  • Ұлт құндылығының ұлағаты
    14.09.2021, 12:30
  • «Жас Алаштың» 100 жылдығы Жамбылда жалғасты
    03.08.2021, 11:01
  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29
  • "Жас Алаштың" 100 жылдығына орай ұйымдастырылған бильярд турнирі тартысты өтті
    14.03.2021, 11:39